Vinars ai 12 di Avost a 9 mancul un cuart di sere (20.45), alì de ostarie di Parùs a Saramont di Buie al torne l'apontament cun "Fûcs su lis culinis. Storiis di riviel tal Friûl culinâr".
Dilunc vie de serade si contaran lis vicendis di trê rivoltis furlanis: la insurezion popolâr de Joibe Grasse dal 1511, i disordins dal 1841 a S. Denêl cuintri de privatizazion des comugnis, e il riviel di Sarsêt dal 1867 cuintri de "vuardie nazionâl".
Dopo di Murùs e di Vildivar, "Fûcs su lis culinis" al rive ancje a Buie in gracie de colaborazion jenfri la associazion "El Tomât" e la associazion 1511. Par mieç di leturis di cronichis contemporaniis ai fats, di tocs di leterature furlane dedicâts a chescj episodis storics, di moments di ricostruzion storiche e des musichis dal "Vididule Project" si varà cussì la ocasion par tornâ a scuvierzi trê acjadiments de storie furlane che a restin ancjemò pôc o nuie cognossûts.
Nessun commento:
Posta un commento
Nota. Solo i membri di questo blog possono postare un commento.